“Qızıl top” uğrunda yarışda Kvaratsxeliyaya dəstək gəldi
Rusiyalı məşqçi Roman Şaronov Xviça Kvaratsxeliyanın ilin yekunlarına görə “Qızıl top” mükafatını qazana biləcəyinə inandığını bildirib.
TodayPress TV xəbər verir ki, bu barədə “championat.com” məlumat yayıb.
Gürcü futbolçu ilə “Rubin” klubunda birlikdə çalışmış mütəxəssis qeyd edib ki, fərdi uğurların arxasında həmişə komanda dayanır:
“Ən yaxşı oyunçu adı barədə Aleksandr Oveçkin Ueyn Qretskinin rekordunu qırdıqdan sonra çox yaxşı fikir səsləndirmişdi. O demişdi ki, komanda yoldaşları olmasaydı, bu nəticəyə nail ola bilməzdi. Böyük idmançıların tərəfdaşlarının, məşqçilərinin və onlara kömək edən insanların rolunu vurğulaması çox şeydən xəbər verir.
Xviça böyük inkişaf yolu keçib, doğru komandaların və doğru məşqçilərin yanına düşüb. Ümid edirəm ki, o, “Qızıl top”u qazanacaq, amma komanda yoldaşlarını unutmayacaq. Çünki “Pari Sen-Jermen”in ən güclü tərəflərindən biri komanda ruhu və Luis Enrikenin formalaşdırdığı oyun sistemidir. Düşünürəm ki, “Arsenal” klubu da bu xüsusiyyəti ilə seçilir”.
Namiq HUN
