“Qəbələ” Premyer Liqadakı yerini qorudu
"Qəbələ" "Mingəçevir"i məğlub edərək Premyer Liqada yerini qoruyub.
TodayPress TV xəbər verir ki, bölgə təmsilçiləri Azərbaycan Premyer Liqası uğrunda pley-off matçında üz-üzə gəliblər.
"SOCAR Polymer Arena"da keçirilən görüşdə Kaxaber Tsxadadzenin baş məşqçisi olduğu kollektiv 2:0 hesablı qələbəyə sevinib.
36-cı dəqiqədə "Mingəçevir"in futbolçusu Əkbər Eyubov avtoqol müəllifi olub. "Qəbələ"nin heyətində isə Seydina Keyta 45+5-ci dəqiqədə fərqlənib.
Bu qələbə sayəsində "Qəbələ" 2026/2027 mövsümündə Azərbaycan Premyer Liqasında çıxış etmək hüququ qazanıb.
Xatırladaq ki, "Qəbələ" cari mövsüm Misli Premyer Liqasını 11-ci, "Mingəçevir" isə I Liqanı 2-ci pillədə başa vurub.
