Qalmaqal böyüyür: “Napoli” Lukakuya qarşı addım atacaq
“Napoli” klubu hücumçu Romelu Lukakunun komandaya qayıtmaqdan imtina etməsi fonunda açıqlama verib.
TodayPress TV xəbər verir ki, bu barədə insayder Fabritsio Romano sosial şəbəkələrdə məlumat yayıb.
Neapol təmsilçisinin idman direktoru Covanni Manna bu vəziyyətə münasibət bildirib. O qeyd edib ki, Lukaku klubun çağırışına baxmayaraq geri dönməkdən imtina edib və zədəsini qiymətləndirmək üçün Belçikada qalıb:
“Romelu qayıtmamağa qərar verdi və zədəsini yoxlamaq üçün Belçikada qaldı. Klub hər zaman birinci yerdə olmalıdır. Biz müvafiq tədbirlər görəcəyik”.
Xatırladaq ki, belçikalı hücumçu daha əvvəl milli komandanın düşərgəsini tərk edərək fərdi məşqlərə başlayıb. Cari mövsümdə Romelu Lukaku “Napoli” forması ilə bütün turnirlərdə 7 oyuna çıxıb və 1 qol vurub. O, yayda aldığı zədə səbəbindən mövsümün böyük hissəsini buraxıb.
Namiq HUN
