"Qalatasaray" iki futbolçusu ilə müqavilə müddətini uzatdı
Türkiyə təmsilçisi "Qalatasaray" iki futbolçusu ilə müqavilə müddətini uzadıb.
TodayPress TV xəbər verir ki, İstanbul klubu Abdülkerim Bardakcı və Kaan Ayhanın sözləşməsini uzatması barədə Türkiyə Futbol Federasiyasına (TFF) bildiriş göndərib.
Abdülkerim Bardakcının yeni müqaviləsi 2027-ci, Kaan Ayhanınkı isə 2028-ci ilə qədər davam edəcək.
Qeyd edək ki, hər iki futbolçu müdafiəçi mövqeyində çıxış edir.
