PSJ-yə ağır zərbə – məhkəmə Mbappenin xeyrinə qərar verdi
Məhkəmə PSJ klubunu sabiq hücumçusu Kilian Mbappeyə əməkhaqqı kompensasiyası ilə bağlı 61 milyon avro ödəməyə məcbur edib.
TodayPress TV xəbər verir ki, bu barədə RMC Sport nəşri məlumat yayıb.
Qərar yekdilliklə qəbul olunub və hökm dərhal icra edilməlidir.
Xatırladaq ki, 2025-ci ilin noyabrında Mbappenin PSJ-dən 263 milyon avro məbləğində kompensasiya tələb etdiyi bildirilirdi. Bu məbləğə hücumçuya ödənilməmiş maaş və mükafatlar, müqavilə başa çatdıqdan sonra nəzərdə tutulan ödənişlər, eləcə də klubda ona qarşı münasibətlə bağlı kompensasiya daxildir.
Xatırladaq ki, Kilian Mbappe 2024-cü ilin yayında PSJ-ni azad agent kimi tərk edib.
Namiq HUN
