Premyer Liqa: İlin ilk matçında qalib məlum olmadı
Futbol üzrə Azərbaycan çempionatının 2026-cı ilin ilk oyununda qalib məlum olmayıb.
TodayPress TV xəbər verir ki, Premyer Liqanın XVII turununun ilk matçında “İmişli” “Araz-Naxçıvan” (2:2) heç-heçə edib.
Quba Olimpiya İdman Kompleksinin stadionunda baş tutan matçda “İmişli”nin heyətində Luis Silvestrlə Dioqo Almeyda, qonaqlardan isə Şarl Boli ilə Ramon Maçado fərqlənib. Maçado Naxçıvan təmsilçisini 90+1-ci dəqiqədə vurduğu qolla məğlubiyyətdən qurtarıb.
Bu nəticədən sonra “Araz-Naxçıvan” 27 xalla 5-ci, “İmişli” isə 18 xalla 9-cu pillədə qərarlaşıb.
Turun ikinci oyununda “Neftçi” “Zirə”ni qəbul edəcək.
Qeyd edək ki, XVII tura yanvarın 25-də yekun vurulacaq.
Namiq HUN
