Polşa millisində nə baş verir?

Polşa yığma komandasının futbolçuları hücumçu Robert Levandovskinin kapitanlıqdan uzaqlaşdırılmasına müsbət reaksiya veriblər. 

TodayPress TV yerli “Przegląd Sportowy” nəşrinə istinadən xəbər verir ki, bu qərar komanda daxilində alqışlarla qarşılanıb və futbolçular bunu hətta “bayram” kimi qəbul ediblər.

Bildirilir ki, milli komandanın baş məşqçisi Mixal Probejin bu addımı komanda daxilində “hörmət qazandıran” bir qərar kimi qiymətləndirilib.

Kapitanlıqdan məhrum ediləndən sonra Levandovski baş məşqçi dəyişməyincə milli komandada oynamaqdan imtina etdiyini açıqlayıb.

Qeyd edək ki, Polşa millisinin tarixi bombardiri olan Robert Levandovski 2008-ci ildən yığmanın formasını geyinir və 85 qolla rekordçudur. 

Namiq HUN