Neymar yenə sıradan çıxdı
“Santos” klubunun futbolçusu Neymar sol dizindəki zədə ilə bağlı yenə yaşıl meydanlardan kənarda qalıb.
TodayPress TV “Globo”ya istinadən xəbər verir ki, onun 2025-ci ilin sonuna qədər oynamayacağı gözlənilir.
Neymar Braziliya A Seriyasının XXXV turunda “İnternasional”la matçqabağı dizində ağrı hiss edib və buna görə oyunu buraxıb.
Həkim müayinəsindən sonra futbolçunun zədəsinin daha ciddi olduğu müəyyənləşib. Bu səbəbdən Neymar komandasına elit divizionun həlledici görüşlərində kömək edə bilməyəcək.
Qeyd edək ki, hücumçu cari mövsümdə “Santos”un heyətində meydana çıxdığı 25 oyunda 7 qol vurub və 1 məhsuldar ötürmə edib.
Neymarın klubla qüvvədə olan əmək müqaviləsi 2025-ci ilin sonuna qədər nəzərdə tutulub.
Namiq HUN
