Mundiala zərbə: İran millisi iştirakdan imtina edir
İranın idman naziri Əhməd Donyamalinin sözlərinə görə, ölkə millisi 2026-cı il futbol üzrə dünya çempionatında iştirak edə bilməyəcək.
TodayPress TV xəbər verir ki, nazir bu qərarı regionda yaranmış gərgin siyasi və hərbi vəziyyətlə əlaqələndirib.
“Liderimizin öldürülməsindən sonra dünya çempionatında iştirak etməyimiz üçün şərait qalmayıb. İrana qarşı həyata keçirilən sərt addımlar və son aylarda baş verən müharibələr nəticəsində minlərlə həmvətənimiz həlak olub. Belə şəraitdə mundialda iştirak etmək imkanımız yoxdur”, – deyə Donyamali bildirib.
Xatırladaq ki, 2026-cı il futbol üzrə dünya çempionatı 11 iyun – 19 iyul tarixlərində ABŞ, Kanada və Meksikada keçiriləcək.
Namiq HUN
