“Liverpul”u rekord transfer gözləyir

“Liverpul” Almaniyanın “Bayer 04” klubunun yarımmüdafiəçisi Florian Virtsin transferi üçün təxminən 150 milyon avro ödəməyə hazırdır. 

TodayPress TV xəbər verir ki, bu barədə jurnalist Florian Plettenberq “X” sosial şəbəkəsində məlumat yayıb.

Bildirilir ki, tərəflər artıq transfer şərtləri üzrə demək olar ki, razılığa gəliblər. Futbolçunun bazar dəyəri 130 milyon avro təşkil edir, lakin müxtəlif bonusların əlavə olunması ilə yekun məbləğ 150 milyon avroya qədər arta bilər.

Keçid baş tutacağı təqdirdə “Liverpul” tarixində ən bahalı transfer olacaq.

Xatırladaq ki, Florian Virts 2024/2025 mövsümündə bütün turnirlərdə 45 oyuna çıxıb, 16 qol vurub və 15 məhsuldar ötürmə ilə yadda qalıb.

Namiq HUN