“Leykers”ə ağır itki: Luka Donçiç sıradan çıxdı
“Los-Anceles Leykers” klubunun aparıcı oyunçularından biri olan Luka Donçiç ABŞ Milli Basketbol Assosiasiyasının (NBA) müntəzəm çempionatı çərçivəsində “Portlend Treyl Bleydzers”ə qarşı keçiriləcək oyunu zədə səbəbindən buraxacaq.
TodayPress TV ESPN-nə istinadən xəbər verir ki, sloveniyalı basketbolçu sol qasıq nahiyəsindəki ağrılar səbəbindən görüşdə iştirak etməyəcək.
Qeyd edək ki, həftənin əvvəlində “Leykers”in “Sakramento Kinqs”ə məğlub olduğu oyundan öncə Donçiç isinmə zamanı qasıq nahiyəsində diskomfort hiss etdiyini bildirmişdi. Buna baxmayaraq, o, meydana çıxmışdı. Görüş zamanı Luka ehtiyat oyunçular skamyasında mövcud reabilitasiya prosedurlarından keçib.
Namiq HUN
