“Latsio”nun müdafiəçisi Hila “Milan”ın radarında
“Latsio” klubunun mərkəz müdafiəçisi Mario Hila komandasını dəyişə bilər.
TodayPress TV AS nəşrinə istinadən xəbər verir ki, 25 yaşlı futbolçu ilə “Milan” klubu maraqlanır və keçid üçün 20 milyon avro ödəməyə hazırdır.
Bildirilir ki, “rossoneri” Hilanın keçidini yay transfer pəncərəsində həyata keçirməyi planlaşdırır. Həmin vaxt futbolçunun indiki klubu ilə müqaviləsi yalnız bir il qalacaq.
Qeyd edək ki, Mario Hila 2022-ci ilin yayında Madridin “Real” klubunun gənclər komandasından “Latsio”ya 6 milyon avro müqabilində transfer olunub. “Real” müdafiəçinin növbəti transferindən gəlirin 50%-ni alacaq. Beləliklə, “Milan” və “Latsio” arasında razılaşma baş tutarsa, “Real” 10 milyon avro qazanacaq.
Namiq HUN
