İtaliyada təhlükəli anlar: snoubordçu ciddi zədə aldı
Avstraliyanı təmsil edən 35 yaşlı snoubordçu Kemeron Bolton İtaliyada keçirilən XXV Qış Olimpiya Oyunları çərçivəsində məşq zamanı ciddi zədə alıb.
TodayPress TV xəbər verir ki, ESPN-in məlumatına görə, idmançı snoubord-kross üzrə məşq zamanı yıxılıb.
Hadisə fevralın 10-da baş versə də, Bolton güclü ağrıları yalnız növbəti gün hiss edib.
İdmançı helikopterlə xəstəxanaya çatdırılıb və aparılan müayinələr nəticəsində boyun fəqərəsində iki sınıq aşkarlanıb. Məlumata görə, ağır zədəyə baxmayaraq avstraliyalı snoubordçunun əhvalı yaxşıdır.
Qeyd edək ki, XXV Qış Olimpiya Oyunları fevralın 22-dək davam edəcək. Yarışlarda ümumilikdə 116 medal dəsti uğrunda mübarizə aparılır.
Namiq HUN
