İslamiada: İki sərbəst güləşçimiz finala vəsiqə qazandı
Səudiyyə Ərəbistanında keçirilən VI İslam Həmrəyliyi Oyunları davam edir.
TodayPress TV xəbər verir ki, Azərbaycanın iki sərbəst güləşçisi Ər-Riyad turnirinin finalına vəsiqə qazanıb.
Arseniy Djioyev (86 kq) yarımfinal mərhələsində tacikistanlı Maqomet Yevloyevdən üstün olaraq adını həlledici görüşə yazdırıb.
Daha əvvəl isə Ağanəzər Novruzov (74 kq) bu raundadək irəliləyib. O, bəhreynli Maqomedrasul Asluyevə qalib gələrək bu şərəfə nail olub.
Yarımfinalda məğlub olan Giorgi Meşvildişvili (125 kq) isə bürünc medal uğrunda görüşə çıxacaq.
Qeyd edək ki, İslamiada bu gün başa çatacaq.
Namiq HUN
