“İnter Mayami” Suareslə müqaviləni uzatdı
“İnter Mayami”nin futbolçusu Luis Suares klubda qalmağa qərar verib.
TodayPress TV xəbər verir ki, bu barədə jurnalist Daniyel Solana məlumat yayıb.
“İnter Mayami” uruqvaylı hücumçuya cari ayın sonunda başa çatan sözləşməni daha bir il uzatmağı təklif edib. Suares buna razılıq verib.
Forvard 2026-cı ilin sonuna qədər “İnter Mayami”nin formasını geyinəcək.
Qeyd edək ki, daha əvvəl Serxio Buskets və Jordi Alba karyeralarını başa vurduqlarını açıqlayıblar. “İnter Mayami”nin lideri Lionel Messi isə müqaviləsini 2028-ci ilədək uzadıb.
Xatırladaq ki, Luis Suares 2024-cü ilin əvvəlindən “İnter Mayami” klubunun şərəfini qoruyur.
Namiq HUN
