Dovbik Madridə yollana bilmədi
İtaliyanın “Roma” klubunun hücumçusu Artyom Dovbik qış transfer pəncərəsində klubunu dəyişə bilərdi.
TodayPress TV insayder Matteo Morettonun sosial şəbəkələrdə yaydığı məlumata əsasən xəbər verir ki, Ukrayna yığmasının oyunçusunun xidmətləri Madridin “Atletiko” klubuna təqdim olunsa da, ispanlar transfer təklifini rədd edib.
28 yaşlı futbolçu Romada baş məşqçi Can Pyero Qasperininin rəhbərliyi altında müntəzəm oyun praktikasına malik deyil. Dovbik 2024-cü ilin yayında “Atletiko”ya keçə bilərdi. O zaman “Jirona”dakı çıxışını başa vuran futbolçu İtaliya çempionatına keçməyi üstün tutub.
Qeyd edək ki, transfermarkt portalında La Liqa 2023/2024 mövsümünün ən yaxşı bombardirinin bazar qiyməti 20 milyon avrodur.
Namiq HUN
