"Çelsi"nin baş məşqçisi: "Qarabağ"ın oyunlarını izləyəcəyik"
İngiltərənin “Çelsi” klubunun baş məşqçisi Entso Mareska UEFA Çempionlar Liqasının əsas mərhələsində qarşılaşacaqları “Qarabağ” komandasının oyunlarını izləməyə hazırlaşır.
TodayPress TV xəbər verir ki, Mareska yerli mətbuata açıqlamasında komandanın sıx qrafiklə oynadığını bildirib.
“Qələbə qazansaq belə, irəli baxmaq lazımdır. "Vulverhempton"la oyundan sonra təyyarədə və avtobusda "Tottenhem"in oyunlarını izlədik. İndi isə "Qarabağ"a baxacağıq. Dayanmaq olmaz, hər dəfə nəsə yeni öyrənməliyik".
Qeyd edək ki, “Çelsi” son Premyer Liqa oyununda “Tottenhem”i 1:0 hesabı ilə məğlub edib. Komanda noyabrın 5-də UEFA Çempionlar Liqasının IV turunda “Qarabağ”ın qonağı olacaq.
