Azərbaycan dueti Sofiyada bürünc medal qazandı
Fiqurlu konkisürmənin buz üstündə rəqs növündə Azərbaycanı təmsil edən Samanta Ritter və Daniel Brikalov beynəlxalq turnirdə uğurlu çıxış edərək mükafatçılar sırasında yer alıblar.
TodayPress TV Azərbaycan Qış İdmanı Növləri Federasiyasına istinadən xəbər verir ki, duetimiz Bolqarıstanın paytaxtı Sofiyada təşkil olunan “Sofia Trophy” beynəlxalq turnirində bürünc medal qazanıb.
Məlumata görə, yarışda 11 cütlüyün mübarizə apardığı buz üstündə rəqs proqramında Ritter və Brikalov 171.75 xal toplayaraq üçüncü pillədə qərarlaşıblar.
Bu nəticə Azərbaycan fiqurlu konkisürməsi üçün beynəlxalq arenada növbəti uğur kimi dəyərləndirilir.
Namiq HUN
