Azarkeş davranışları klublara baha başa gəldi
AFFA İntizam Komitəsi Premyer Liqanın I turundan təxirə salınmış “Sabah” - “Qarabağ” matçı ilə bağlı cəzaları açıqlayıb.
TodayPress TV xəbər verir ki, komitənin iclasında oyun bitdikdən sonra meydançaya kənar şəxs daxil olduğuna görə “Sabah” klubunun 2500 manat cərimə olunması qərara alınıb.
“Qarabağ” isə fanatları tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə yaşandığına görə 7000 manat cərimələnib.
Stadionun oturacaqları sındırıldığı, arenaya zərər vurulduğu üçün “Qarabağ” klubu daha 3000 manat ziyana düşüb.
Azərbaycan çempionuna, həmçinin oyuna təyin edilmiş vaxtdan gec gəldiyinə görə xəbərdarlıq edilib.
Namiq HUN
