Aurelio De Laurentis "getsin" qərarını verəcək?
“Qarabağ” klubunun UEFA Çempionlar Liqasının Liqa mərhələsindəki rəqibi olan “Napoli” baş məşqçisi Antonio Konte ilə yolları ayıra bilər.
TodayPress TV xəbər verir ki, bu barədə insayder Matteo Moretto məlumat yayıb.
Mütəxəssisin gedişi ilə bağlı qərar onun klub prezidenti Aurelio De Laurentislə görüşündən sonra müəyyənləşəcək.
Qeyd edək ki, Antonio Konte 2024-cü ilin yayından “Napoli”yə rəhbərlik edir. Ötən mövsüm “cənublular” onun rəhbərliyi altında İtaliya çempionu titulunu qazanıblar.
“Qarabağ” Çempionlar Liqasının Liqa mərhələsində növbəti oyununu noyabrın 25-də səfərdə “Napoli”yə qarşı keçirəcək.
Namiq HUN
