Anxel Di Maria 37-ci mükafatını qazandı
Argentinalı məşhur futbolçu Anxel Di Maria “Rosario Sentral” klubu ilə çempion titulunu qazanıb.
TodayPress TV xəbər verir ki, Argentina Futbol Federasiyası mövsümün iki mərhələsi üzrə ən çox xal toplayan “Rosario Sentral” klubunu ölkə çempionu elan edib.
Komanda, həmçinin Libertadores Kubokunda iştirak hüququ qazanıb.
Titul Anxel Di Marianın peşəkar karyerasında 37-ci mükafatıdır.
Qeyd edək ki, qərar ölkə futbol ictimaiyyətində müzakirələrə səbəb olub. Çempionun müəyyənləşməsinə baxmayaraq, klublar pley-off mərhələsində mübarizəni davam etdirəcək. Mövsümün Apertura və Klausura hissələrinin qalibləri bəlli olacaq. “Qızıl oyun” isə ən güclü komanda bilinəcək.
Namiq HUN
