Rubio: "ABŞ Ermənistan və Azərbaycan arasında tarixi sülh sazişini alqışlayır"

ABŞ dövlət katibi Marko Rubio Ermənistan və Azərbaycan arasında imzalanmış sülh sazişi ilə bağlı bəyanat yayıb.

TodayPress TV xəbər verir ki, o, Ermənistan və Azərbaycan arasında Trampın vasitəçiliyi ilə imzalanan tarixi sülh sazişini alqışlayıb.

"Amerika Birləşmiş Ştatları bu gün Ermənistan və Azərbaycan arasında əldə olunmuş tarixi sülh sazişini qeyd edir. Prezident Tramp bu tərəfləri bir araya gətirdi və onilliklər davam edən münaqişəyə son qoyan razılaşmanı vasitəçilik edərək əldə etdi. Bu, hər iki ölkə üçün irəliyə addımlamaq və Cənubi Qafqaz regionunun iqtisadi potensialını açmaq, bununla da Amerika xalqı, eləcə də həm Ermənistan, həm də Azərbaycan üçün ticarət razılaşmaları və rifah gətirəcək imkan deməkdir. Biz hər iki ölkəni sülhün yeni erasına qədəm qoymaları münasibətilə təbrik edirik", - deyə bəyanatda qeyd olunub.