Yeriyərkən siqaret çəkmək ölümə səbəb olur – Xəbərdarlıq
Gəzinti zamanı siqaret çəkmək ölümə səbəb ola bilər.
TodayPress TV xarici mediaya istinadən xəbər verir ki, bu vərdişin nəticələri barədə Skandinaviya Sağlamlıq Mərkəzinin kardioloqu Valeriya Bonadykova xəbərdarlıq edib.
O bildirib ki, xüsusilə də sürətli tempdə yeriyərkən bədən stress altında işləyir: ürək döyüntüsü artır, nəfəs alma sürətlənir, çünki ürəyin aktiv şəkildə oksigen çatdırması lazımdır.
Digər tərəfdən, nikotin qan damarlarının daralmasına, qan təzyiqinin və ürək döyüntüsünün artmasına səbəb olur. Bu, xoşagəlməz bir balanssızlıq yaradır: hərəkət səbəbindən oksigen tələbatı artır, orqanizmin oksigenlə təminatı isə damar spazmları və tüstü komponentləri tərəfindən pozulur.
Bundan əlavə, Bonadykovanın qeyd etdiyi kimi, bir çox insan çöldə tələsir, ona görə də dərin nəfəs almır, tez-tez üfürür. Bəziləri hətta nikotini daha tez almaq üçün nəfəslərini tuturlar.
Kardioloqun sözlərinə görə, bu, ürək döyüntülərinin nizamsızlığı hissinə səbəb olur.
Həkim xəbərdarlıq edib ki, gəzinti zamanı siqaret çəkmək xüsusilə hipertoniya, koronar ürək xəstəliyi, ürək-damar xəstəlikləri, aritmiya, diabet və ağır ateroskleroz xəstəliyi olan insanlar üçün təhlükəlidir.
