SON DƏQİQƏ! Naxçıvanda AZAL-la bağlı problem yarandı
“Azərbaycan Hava Yolları”nın Bakı-Naxçıvan-Bakı marşrutu üzrə J2-2152 və J2-2154 reysi ilə bağlı onlayn bilet alan bir qrup sərnişin ciddi problemlə üzləşib.
TodayPress TV-yə müraciət edən sərnişinlərdən birinin sözlərinə görə, uçuş əvvəlcə hava şəraiti ilə əlaqədar təxirə salınıb və sərnişinlərə SMS vasitəsilə reysin saat 15:10-da həyata keçiriləcəyi barədə məlumat verilib.
Saat 15:10-dan sonra isə sərnişinlərə "e-mail" göndərilərək qeydiyyata yaxınlaşmağın mümkün olduğu bildirilib. Lakin qeydiyyat masasına yaxınlaşan zaman hava limanı əməkdaşları sərnişinlərin adlarının sistemdə görünmədiyini deyilib. AZAL-dan bildiriblər ki, ümumilikdə 97 sərnişin eyni problemlə üzləşib və həmin şəxslər sonradan digər reyslərə yönləndiriləcək.
Şikayətçinin iddiasına görə, faktiki vəziyyət fərqli olub. Belə ki, saat 21:52-yə qədər olan digər reyslər normal şəkildə həyata keçirilib. AZAL və aeroport əməkdaşları məsuliyyəti bir-birinin üzərinə atıb, nəticədə isə nə uçuş təmin edilib, nə də aydın izahat verilib.
Türkan İsgəndərli
FOTOLAR
