Bakıda yol qəzasında üç nəfər xəsarət aldı
Bakının Səbail rayonu ərazisində ağır yol-nəqliyyat hadisəsi baş verib.
Bu barədə TodayPress TV-yə TƏBİB-dən məlumat verilib.
Qeyd olunub ki, 03.10.2025-ci il tarixində saat 21:30 radələrində Respublika Təcili və Təxirəsalınmaz Tibbi Yardım Mərkəzinə Səbail rayonu ərazisindən yol-nəqliyyat hadisəsinin baş verməsi səbəbilə çağırış daxil olub.
Vurğulanıb ki, dərhal təcili tibbi yardım briqadası çağırış ünvanına cəlb olunub.
Təcili tibbi yardım briqadası tərəfindən 3 nəfərə (2-si kişi, 1-i qadın cinsli) ilkin tibbi yardım göstərilib və müştərək travmalar diaqnozu ilə Kliniki Tibbi Mərkəzə hospitalizasiya olunub.\
