Yerdə maqnit qasırğası başladı
Yerə yaxın kosmosda günəş küləyinin sürətinin kəskin artması nəticəsində Yer kürəsində G3 sinfinə aid güclü maqnit qasırğası başlayıb.
TodayPress TV xəbər verir ki, bu barədə "Phobos" məlumat yayıb.
Bildirilib ki, gecənin ikinci yarısında günəş küləyinin sürəti 650 km/s-dən yuxarı qalxıb, temperatur isə bəzi hallarda 1 milyon dərəcəni keçib.
Planetimizin geomaqnit sahəsi buna cavab olaraq güclü maqnit qasırğası ilə reaksiya verib. Hadisənin başlanğıcı Bakı vaxtı ilə saat 06:16-da qeydə alınıb.
Məlumata görə, maqnit qasırğası qısamüddətli ola bilər və tezliklə zəifləyəcək.
Türkan İsgəndərli
