Ermənistan qızıl zavodlarını Azərbaycana verir - İDDİA
Rusiya Xarici İşlər Nazirliyinin rəhbəri Mariya Zaxarova bildirib ki, ABŞ və Qərb Ermənistanla əməkdaşlıqda əsasən ölkənin strateji və faydalı qazıntı resurslarına maraq göstərir.
Bu kontekstdə Azərbaycanın da Gədəbəy, Daşkəsən, Kəlbəcər və Zəngilan kimi bölgələrdə qızıl və digər qiymətli metal yataqlarının işlənməsi üzrə təcrübəsi nəzərə alınaraq, gələcəkdə “AzərGold” kimi dövlət şirkətlərinin Ermənistanın mədən layihələrində iştirak ehtimalı sual doğurur.
Mövzu ilə bağlı TodayPress TV-yə danışan iqtisadçı Emin Qəribli bildirib ki, gələcəkdə bu, real ola bilər:
"Bəli, əlbəttə ki, gələcəkdə bu realdır. Çünki artıq biz neft ixrac eləyiriksə, benzin ixrac eləyiriksə, təbii ki, bu layihələr realdır. Lakin təbii ki, hesab edirəm ki, bunun üçün bir müəyyən vaxt lazımdır. Yönümlü elə ticarət münasibətləri başlayıb ki, gələcəkdə indi qeyd etdiyim iqtisadi münasibətlərə zəmin yaransın. Lakin təbii ki, bu layihələrdə iştirak etmək, müəyyən zaman tələb olunur".
İqtisadçı həmçinin “AzərGold”un potensialına da toxunaraq əlavə edib ki, Ermənistanın və digər qonşu ölkələrin belə şirkətlərə də ehtiyacı var.
"Orada da bizim AzerGold şirkəti artıq müəyyən təcrübə toplayıb, investisiya potensialına malik olan şirkətdir. Hesab edirəm ki, Ermənistanın və digər qonşu ölkələrin belə şirkətlərə də ehtiyacı var, investisiya baxımından. Fikrimcə, qısa zaman ərzində bu proseslər də həyata keçirilə bilər, lakin müəyyən zaman tələb olunur", - deyə Emin Qəribli fikrini tamamlayıb.
Türkan İsgəndərli
