Narıncı piqment hüceyrələri zədələnmədən qoruyur
Alimlər saçlara və lələklərə narıncı-qırmızı rəng verən feomelanin piqmentinin hüceyrələri zədələnmədən qorumağa kömək etdiyini müəyyən ediblər.
TodayPress TV xəbər verir ki, bu piqment artıq sisteini özünə bağlayaraq onun zərərli təsirinin qarşısını alır.
Feomelanin insanlarda qırmızı saç və açıq dəri rənginə cavabdehdir.
Məlumata görə, 65 yetkin zebra çirçiçəyi üzərində təcrübə aparılıb. Eksperimental qrupda quşlara sistein və feomelanin sintezini bloklayan ML349 dərmanı verilib.
Araşdırma göstərib ki, feomelanin istehsalı dayandırıldıqda, sistein qəbul edən quşlarda oksidləşdirici zədələnmə daha çox olur. Feomelanin istehsal etməyən dişilərdə də sistein qəbulundan sonra hüceyrə zədələnməsinin artdığı müşahidə edilib.
Alimlərin qənaətinə görə, feomelanin artıq sisteini zərərsiz piqmentə çevirərək bədəndə kimyəvi tarazlığı qoruyur. Bu mexanizm feomelaninlə əlaqəli genetik xüsusiyyətlərin, melanoma riski ilə bağlı olmasına baxmayaraq, insanlarda və heyvanlarda niyə qorunub saxlanıldığını izah edə bilər.
Türkan İsgəndərli
