Kriptovalyuta bazarının son göstəriciləri
Kriptovalyuta bazarında son sutkada əsas aktivlər üzrə qarışıq dinamika müşahidə olunub.
TodayPress TV CoinMarketCap platformasına istinadən xəbər verir ki, qlobal kriptovalyuta bazarının ümumi kapitallaşması son sutkada 0,1% artaraq 2,54 trln. ABŞ dollarına çatıb.
Məlumata görə, bazarın aparıcı aktivi olan Bitcoin (BTC)-in qiyməti son 24 saat ərzində 0,41% azalaraq 74 655 ABŞ dolları olub. Həftəlik müqayisədə isə BTC-nin qiyməti 3,64% artıb.
İkinci ən böyük kriptovalyuta olan Ethereum (ETH)-un qiyməti sutka ərzində 1,34% azalaraq 2 322 ABŞ dollarına düşüb. Son 7 gündə isə ETH üzrə 5,86% artım qeydə alınıb.
Digər əsas kriptovalyutalardan BNB son 24 saatda 0,77% bahalaşaraq 627,81 dollar, XRP isə 1,90% artaraq 1,42 dollar səviyyəsində qərarlaşıb. Həftəlik müqayisədə BNB 4,42%, XRP isə 6,27% bahalaşıb.
Bununla yanaşı, bazarda müsbət dinamika göstərən digər aktivlərdən Solana (SOL) son 24 saatda 2,79% artaraq 87,55 dollar, Dogecoin (DOGE) isə 0,76% bahalaşaraq 0,097 dollar səviyyəsində olub. Həftəlik müqayisədə SOL 5,19%, DOGE isə 4,76% artım nümayiş etdirib.
