İlin birinci yarısında mis istehsalı 12 dəfəyə yaxın artıb

Cari ilin yanvar-iyun aylarında Azərbaycanda 1 189 ton mis konsentratı istehsal edilib.

TodayPress TV xəbər verir ki, bu barədə Dövlət Statistika Komitəsi məlumat yayıb.

Məlumata görə, mis konsentratı istehsalı ötən ilin eyni dövrü ilə müqayisədə 1 088 ton və ya 11,8 dəfə artıb. Ötən ilin birinci yarısında ölkədə 100,8 ton mis konsentratı istehsal edilmişdi.

Qeyd edək ki, cari ilin iyul ayının birinə ölkədə hazır mis konsentratı ehtiyatının miqdarı 156,5 ton olub.

Xatırladaq ki, ötən il ərzində Azərbaycanda 378,8 ton mis konsentratı istehsal edilib. Bu, əvvəlki illə müqayisədə 1 743 ton və ya 5,6 dəfə azdır. 2023-cü ildə istehsal olunan mis konsentratının miqdarı 2 122 ton olub.