Yerə böyük asteroid yaxınlaşacaq
"2025 FA22" adlı asteroid sentyabrın 18-də, Bakı vaxtı ilə saat 11:00 radələrində Yerə ən yaxın məsafəyə çatacaq.
TodayPress TV xəbər verir ki, bu məsafə Ay orbitinin diametrindən bir qədər böyük olacaq.
Verilən məlumata əsasən, asteroidin orta eni 166 metr, uzunluğu 290 metrdir.
Mütəxəssislər bildirirlər ki, asteroidin keçidini həvəskar müşahidə alətləri ilə izləmək çətindir. Onun görünməsi üçün ən azı 30 sm-lik teleskop tələb olunur.
Qeyd edək ki, "FA22" bu il Yerə ən yaxınlaşan və ən böyük asteroidlərdən biri hesab olunur. Lakin elmi qurumlar bu yaxınlaşmanın təhlükə yaratmadığını bildirirlər. Asteroidin trayektoriyası tam nəzarətdədir.
Türkan İsgəndərli
