"WhatsApp" ödənişli olacaq

"WhatsApp" statuslar və kanallar üçün ödənişli abunəlik, kanal tanıtımı və reklam funksiyalarını istifadəyə verib.

TodayPress TV xəbər verir ki, artıq istifadəçilər aylıq ödənişlə eksklüziv məzmun təqdim edən kanallara abunə ola bilərlər.

Kanal sahibləri öz kanallarını tanıdaraq daha çox izləyici cəlb edə biləcəklər. Şirkətlər statuslar vasitəsilə reklam yerləşdirə biləcək və maraqlanan istifadəçilər birbaşa brendlə yazışa biləcəklər.

Tərtibatçılar vurğulayıblar ki, şəxsi yazışmalar pulsuz və tam qorunmuş qalacaq. Heç bir telefon nömrəsi və ya şəxsi məlumat reklam məqsədilə paylaşılmayacaq.

Türkan İsgəndərli