Planetlərarası uçuşlar üçün modulun sınaqları tamamlandı

Planetlərarası uçuşlar zamanı məlumatların real vaxtda izlənməsi üçün nəzərdə tutulan "Telenauka" modulunun sınaqları başa çatıb. 

TodayPress TV xəbər verir ki, bu barədə "Rostec" məlumat yayıb.

"Telenauka" avadanlığı “Bion-M No2” adlı bioloji kosmik gəmisinə quraşdırılacaq. Bu gəminin Yerdən 800 kilometr hündürlüyə buraxılması planlaşdırılır.

Modul 25 kamera, beş videoçəkiliş bölməsi və idarəetmə blokundan ibarətdir.

Qeyd edək ki, daha əvvəl bəzi mütəxəssislər “Vozvrat-MKA-L” adlı planetlərarası uçuşu simulyasiya edən peykin buraxılmasının hazırda mümkün olmadığını bildiriblər. “Bion-M No2” peykinin isə mart ayında orbitə çıxarılması gözlənilir.

Türkan İsgəndərli