"Meta" süperzəka üçün nəhəng data mərkəzləri qurur
"Meta" rəhbəri Mark Zukerberq “Prometheus” adlı ilk çox gigavatlıq data mərkəzinin 2026-cı ildə Ohayoda istifadəyə veriləcəyini açıqlayıb. İkinci mərkəz olan “Hyperion” isə Luizianada inşa ediləcək və 2030-cu ilə qədər tam gücə çatacaq.
TodayPress TV xəbər verir ki, Zukerberq bu mərkəzlərin “süperzəka” adlandırdıqları yüksək səviyyəli süni intellekt sistemləri üçün qurulduğunu və bəzilərinin Manhettan adası qədər ərazini əhatə etdiyini bildirib.
O qeyd edib ki, "Meta" bu məqsədlə yüz milyardlarla dollar sərmayə yatırır.
Şirkət 2024-cü ildə 160 milyard dollardan çox gəlir əldə edib. "Meta"nın əsas qazancı hələ də onlayn reklamlardan formalaşır. Analitiklər bildirirlər ki, "Meta" süni intellekt yarışında lider olmaq üçün bütün resurslarını səfərbər edir.
Eyni zamanda, bu texnologiyaların ciddi enerji və su sərfiyyatı yaratdığına diqqət çəkilir. Tədqiqatlara görə, AI əsaslı data mərkəzləri 2027-ci ilə qədər qlobal miqyasda 1,7 trilyon qallon su istifadə edə bilər.
Qiymət Mahir
