"iPhone Air" davamlılıq testindən uğurla keçdi
Məşhur "YouTube" blogeri "JerryRigEverything" "Apple"ın ən nazik smartfonu olan "iPhone Air"i davamlılıq testindən keçirib.
TodayPress TV xəbər verir ki, test zamanı o, cihazın ekranının cızıqlara qarşı davamlı olduğunu bildirib.
Cihazın qalınlığı cəmi 5,6 millimetrdir. Bloger qeyd edib ki, bu qədər nazik olmasına baxmayaraq, telefonu əllə sındırmaq mümkün olmayıb.
Lakin ekranın əks etdirici (anti-reflective) örtüyü onun xoşuna gəlməyib. O, həmçinin telefonun ekranını yandırmağa çalışsa da, bu, mümkün olmayıb.
"JerryRigEverything" "iPhone Air"in bükülməsini də sınaqdan keçirib. O, telefonun bu qədər nazik olduğuna görə asanlıqla büküləcəyini düşünsə də, cihaz müqavimət göstərib.
Türkan İsgəndərli
