Çin Ay modulunu sınaqdan keçirdi

Çin insanın Aya enməsini təmin edəcək "Lanyue" modulunu uğurla sınaqdan keçirib. 

TodayPress TV xəbər verir ki, bu barədə Çinin İnsanlı Kosmik Uçuş Proqramı Ofisi məlumat yayıb.

Sınaqlar ölkənin şimalındakı Hebey əyalətinin Huailai qraflığında aparılıb. Rəsmi məlumatda qeyd olunur ki, bu testlər texnologiya və əməliyyat baxımından olduqca mürəkkəbdir və Çinin insanlı Ay proqramı üçün mühüm addım sayılır.

Qeyd edək ki, mart ayında Çinin kosmik proqram rəhbərliyindən bildirilib ki, Ay səthinə planlaşdırılan ilk eniş üçün bütün texniki sistemlərin prototipləri artıq hazırdır.

Türkan İsgəndərli