"Apple" süni intellekt funksiyalarını aktiv etdi
"Apple" şirkətinin "Apple Intelligence" funksiyalarını Çində rəsmi icazə almadan qısa müddətlik aktiv etdiyi bildirilir.
TodayPress TV xəbər verir ki, bu barədə "Bloomberg" məlumat yayıb.
Bildirilir ki, bəzi "iPhone" istifadəçiləri bu funksiyaların cihazlarında göründüyünü müşahidə edib. Daha sonra şirkət bu xüsusiyyətləri geri götürüb.
Məlumata görə, bu addım planlı olmayıb və xüsusilə Çin kimi ciddi tənzimləmə qaydaları olan bazarda əvvəlcədən elan edilmədən belə bir funksiyanın aktiv edilməsi qeyri-adi sayılır.
Həmçinin qeyd olunur ki, xidmətin bəzi hissələri "Google" texnologiyalarından istifadə edir, baxmayaraq ki, bu platforma Çində məhdudlaşdırılıb.
Hazırda "Apple" bu xidməti ölkədə rəsmi şəkildə təqdim etmək üçün "Alibaba" ilə əməkdaşlıq edir və yerli tənzimləyici qurumun təsdiqini gözləyir. Şirkətin süni intellekt funksiyalarını Çində nə vaxt tam istifadəyə verəcəyi isə hələlik açıqlanmayıb.
Türkan İsgəndərli
