Yeni mərhələ: Avstraliyalı pilot üçün “Alpin” səhifəsi bağlandı
Cek Duen “Alpin” komandasını tərk edib.
TodayPress TV xəbər verir ki, “Formula-1” komandası “Alpin” avstraliyalı pilot Cek Duenlə əməkdaşlığı dayandırdığını rəsmi şəkildə açıqlayıb.
Klubun bəyanatında bildirilib ki, tərəflər 2026-cı il mövsümü üçün qarşılıqlı razılaşma əsasında yollarını ayırmaq qərarına gəliblər. Bu addım Duenə karyerasını başqa istiqamətdə davam etdirmək imkanı yaradır.
Qeyd edək ki, Cek Duen 2024-cü ildə Əbu-Dabi Qran-prisində debüt edərək “Alpin” Akademiyasından əsas komandaya yüksələn ilk pilot olub.
“Alpin” komandası son dörd il ərzində göstərdiyi sədaqət və peşəkarlığa görə Cek Duenə təşəkkür edib və ona həm trasda, həm də trasdan kənarda uğurlar arzulayıb.
Namiq HUN
