"Vest Hem" Kuperlə maraqlanır

İngiltərənin "Vest Hem" klubu "Şeffild Yunayted"in qapıçısı Maykl Kuperin transferində maraqlıdır.

TodayPress TV xəbər verir ki, bu barədə "The Sun" nəşri məlumat yayıb.

Bildirilib ki, London təmsilçisi qapı xəttini gücləndirməyi planlaşdırır. Klubun hazırkı əsas qapıçısı, fransalı Alfons Areola 2024/25 mövsümündə rəhbərliyin etimadını doğrultmayıb və bu səbəbdən yeni qapıçı axtarışına start verilib.

25 yaşlı Maykl Kuper "Şeffild Yunayted"ə 2024-cü ilin avqustunda keçib. Cari mövsümdə o, 46 oyunda 35 qol buraxıb, 23 matçda isə qapısını toxunulmaz saxlayıb.

Qapıçının transfer dəyəri "Transfermarkt" portalının məlumatına əsasən, hazırda 9 milyon avro olaraq qiymətləndirilir.

Töhfə Səməd