Trent Aleksander-Arnold “Enfild”ə qayıdır
“Real Madrid”in müdafiəçisi Trent Aleksander-Arnold zədədən tam bərpa olunaraq 4 noyabrda “Liverpul”la keçiriləcək Çempionlar Liqası matçına hazır olacaq.
TodayPress TV Diario AS-ın “X” sosial şəbəkəsinə istinadən xəbər verir ki, ingilis futbolçu UEFA Çempionlar Liqasının qrup mərhələsinin IV turunda oynayacaq.
Aleksander-Arnold La Liqada “Real”ın beş, Çempionlar Liqasında isə bir oyununu dizaltı vətər zədəsinə görə buraxıb. O, son dəfə turnirin I turunda “Marsel”ə qarşı (2:1) meydanda olub.
Xatırladaq ki, Trent Klublararası Dünya Çempionatından öncə təşkil olunan əlavə transfer pəncərəsi zamanı “Liverpul”dan “Real”a keçib. “Kral klubu” müqaviləsinin bitməsinə bir ay qalmış müdafiəçi üçün 10 milyon avro ödəyib.
Namiq HUN
