Tennisdə temperatur limiti dəyişdi
Peşəkar Tennisçilər Assosiasiyası (ATP) isti hava şəraitində keçirilən matçlar üçün yeni qaydaları təsdiqləyib
TodayPress TV xəbər verir ki, bu barədə qurumun rəsmi saytı məlumat yayıb.
Bildirilir ki, yeni reqlament 2026-cı ildən etibarən qüvvəyə minəcək. Kişi tennisində Qadın Tennis Assosiasiyasının (WTA) tətbiq etdiyi qaydalardan istifadə olunacaq.
Yeni qaydalara əsasən, havanın temperaturu 30,1 dərəcə selsidən yuxarı olduqda, üçsetli matçlarda tennisçilərdən birinə ikinci setdən sonra 10 dəqiqəlik fasilə verilə bilər.
Temperaturun 32,2 dərəcəni keçdiyi hallarda isə görüşün müvəqqəti dayandırılması nəzərdə tutulur.
ATP bu dəyişikliklərin oyunçuların sağlamlığını qorumaq məqsədi daşıdığını bildirib.
Namiq HUN
