Salah qərarına aydınlıq gətirdi

Məhəmməd Salah “Liverpul” klubu ilə müqaviləsini niyə uzatdığını açıqlayıb. 

TodayPress TV xəbər verir ki, bu barədə klubun rəsmi saytı məlumat yayıb. 

“Qələbələrə qarşı hələ də çox acam – məhz buna görə “Liverpul”la iki illik yeni müqavilə imzaladım. Premyer Liqada, bu səviyyədə oynamaq çox gözəldir. Üstəlik, 33 yaşımda komandaya hələ də nəsə verə biləcəyimi hiss edirəm. Bu, mənim üçün qürur mənbəyidir, çünki buna görə həqiqətən çox çalışıram”, – Salah deyib.

Qeyd edək ki, son mövsüm misirli hücumçu İngiltərə çempionatında 38 matçda iştirak edib, 29 qol vurub və 18 məhsuldar ötürmə edib. Məhəmməd Salah 2017-ci ildən mersisayd klubunda çıxış edir.

Namiq HUN