Robert Levandovski rekord qırdı
“Barselona” klubunun yaşlı futbolçu kimi qiymətləndirdiyi Robert Levandovski rekordlarını sıralamaqda davam edir.
TodayPress TV xəbər verir ki, polşalı hücumçu Avropanın top-5 liqalarında 30 yaşdan sonra vurulan qolların sayına görə yeni göstərici müəyyən edib.
Levandovski noyabr ayı ərzində 3 dəfə fərqlənərək ümumi hesabda qol sayını 209-a çatdırıb. 37 yaşlı futbolçu “Bavariya” klubunun heyətində 132, “Barselona”da isə 77 dəfə fərqlənib.
Qeyd edək ki, forvard bu göstəricidə Kriştianu Ronaldunu üstələyib. Portuqaliyalı futbolçu 30 yaşdan sonra İspaniya, İtaliya və İngiltərə çempionatlarında ümumilikdə 206 dəfə rəqib torlarını silkələyib.
Namiq HUN
