Nikolas Motta: “Nazim Sadıxovla döyüşümüz əsl müharibə olacaq”
“Nazim Sadıxova hörmət edirəm. İkimiz də döyüşməyi xoşlayırıq”.
TodayPress TV xəbər verir ki, bunu braziliyalı UFC döyüşçüsü Nikolas Motta Bakıda keçiriləcək turnirdən öncə təşkil olunan mətbuat konfransında deyib.
O, Sadıxovun öz vətənində olduğunu söyləyib:
“Onunla daha əvvəllər qarşılaşa bilərdik. UFC-yə başqa təşkilatda döyüşərək gəlmişik. Döyüş üslubumuza görə qarşılaşma maraqlı keçəcək. Bakıda insanlar mehribandılar”.
Qeyd edək ki, Nikolas Motta yüngül çəki dərəcəsində azərbaycanlı Nazim Sadıxovla qarşılaşacaq. Bakı Kristal Zalında baş tutacaq turnir iyunun 21-də keçiriləcək.
Namiq HUN
