NBA-da dava: Prins təsadüfən hakimi vurdu
ABŞ Milli Basketbol Assosiasiyasının (NBA) mövsümöncəsi oyunu zamanı “Çikaqo Bulls” və “Milvoki Bucks” (121:127) komandalarının oyunçuları arasında dava düşüb.
TodayPress TV xəbər verir ki, hadisənin iştirakçıları “Çikaqo”nun forvardı Deylen Terri və “Milvoki”nin oyunçusu Torin Prins olub.
Qarşıdurma hakim fitindən dərhal sonra, addım pozuntusu qeydə alındıqdan sonra səbət altında baş verib.
Hadisə zamanı hər iki komandanın basketbolçuları komanda yoldaşlarını ayırmağa çalışıblar. Bu zaman Torin Prins təsadüfən hakimi yerə yıxıb.
İnsidentin nəticəsində Prins, Terri, eləcə də “Milvoki”dən Bobbi Portis və “Çikaqo”dan Zak Kollins texniki folla cəzalandırılıblar. Deylen Terri isə meydandan qovulub.
Namiq HUN
