Luis Çaves ağır zədələndi
Moskva “Dinamo”sunun və Meksika millisinin yarımmüdafiəçisi Luis Çaves ön çarpaz bağların qopması səbəbilə uzun müddət yaşıl meydanlardan uzaq qalacaq.
TodayPress TV xəbər verir ki, bu barədə Meksika yığmasının mətbuat xidməti sosial şəbəkə hesabında məlumat yayıb.
“Məşq zamanı Luis Çaves sağ dizindən zədə aldı. MRT müayinəsinin nəticələrinə əsasən, futbolçunun sağ dizində ön çarpaz bağların qopduğu təsdiqləndi”. – deyə məlumatda qeyd olunur.
Zədə səbəbindən 29 yaşlı futbolçu KONKAKAF Qızıl Kubokundakı çıxışlarını dayandırmalı olub. Bu növ zədələrdən bərpa müddəti adətən 6 aydan artıq çəkir. Bu isə o deməkdir ki, Çaves ən azı ilin sonuna qədər “Dinamo”ya kömək edə bilməyəcək.
Namiq HUN
