“Liverpul”dan sürpriz qərar: yeni baş məşqçi bəllidir!
“Liverpul” klubu baş məşqçi postu ilə bağlı əsas namizədi müəyyənləşdirib.
TodayPress TV xəbər verir ki, bu barədə jurnalist Fabritsio Romano məlumat yayıb.
Mersisayd təmsilçisi ispaniyalı mütəxəssis Andoni Iraola ilə prinsipial razılıq əldə edib. Son 48 saat ərzində tərəflər arasında aparılan danışıqlarda ciddi irəliləyiş qeydə alınıb və razılaşma yekunlaşdırılıb. Təyinatın yaxın günlərdə rəsmən elan olunacağı gözlənilir.
43 yaşlı İraolanın son iş yeri “Bornmut” olub. O, mövsümün sonunda klubdan ayrılıb. İspaniyalı mütəxəssisin rəhbərliyi altında “Bornmut” İngiltərə Premyer Liqasında 57 xal toplayaraq altıncı yeri tutub. “Liverpul” isə 60 xalla mövsümü beşinci pillədə başa vurub.
Qeyd edək ki, İraola 2023-cü ilin yayından etibarən “Bornmut”un baş məşqçisi vəzifəsində çalışırdı.
Xatırladaq ki, mayın 30-da “Liverpul” baş məşqçi Arne Slot ilə yollarını ayırdığını açıqlayıb.
Namiq HUN
