Lekler Qran-Pridə iştirak edəcək?
“Formula-1” üzrə “Ferrari” komandasının pilotu Şarl Lekler sağlamlıq vəziyyətinin yaxşılaşmasından sonra Emiliya-Romanya Qran-Prisinin keçiriləcəyi İmoladakı padoka gəlib.
TodayPress TV “Ferrari”yə istinadən xəbər verir ki, Lekler sağlamlığı ilə bağlı İmolada keçirilən mətbuat günündə iştirak etməyib.
Komanda onun yarışı buraxa biləcəyini istisna etmirdi.
Qeyd edək ki, Emiliya-Romanya Qran-Prisi 16–18 may tarixlərində keçiriləcək.
Hazırda Şarl Lekler pilotların ümumi sıralamasında 53 xalla 5-ci yerdə qərarlaşıb.
Onun komanda yoldaşı Lüis Həmilton isə 41 xalla 7-cidir.
Dünya çempionatının mərhələ yarışının lideri isə “McLaren” pilotu Oskar Piastridir. Onun aktivində 131 xal var.
Namiq HUN
