Lebrondan tarixi rekord: əfsanələri bir-bir keçir!
Lebron Ceyms ABŞ Milli Basketbol Assosiasiyası (NBA) tarixində müntəzəm çempionatda qələbə sayına görə 2-ci yerə yüksəlib (1015).
TodayPress TV xəbər verir ki, o, bu göstəriciyə “Los-Anceles Leykers”in səfərdə “Filadelfiya” üzərində (108:112) qələbəsi sayəsində nail olub.
NBA-nın mətbuat xidməti Ceymsi bu nailiyyət münasibətilə təbrik edib. “Los-Anceles Leykers”in lideri qazanılan qələbələrin sayında veteran basketbolçu, “Boston Seltiks”in əfsanəsi Robert Perişi (1014) geridə qoyub. İlk pilləni Karim Əbdul-Cabbar (1074) nəzarətdə saxlayır.
NBA müntəzəm çempionatında ən çox qələbə qazanan TOP-10 oyunçu:
1. Karim Əbdul-Cabbar – 1074
2. Lebron Ceyms – 1015
3. Robert Periş – 1014
4. Tim Dankan – 1001
5. Con Stokton – 953
6. Karl Meloun – 952
7. Dirk Novitski – 916
8. Toni Parker – 892
9. Kris Pol – 855
10. Derek Fisher – 853
Namiq HUN
