Kuesta “Qalatasaray”a əlavə bonus qazandıracaq
İstanbul təmsilçisi mərkəz müdafiəçisi Karlos Kuesta Moskva “Spartak”ında 15 oyun keçirəcəyi halda 2 milyon avro bonus qazanacaq.
TodayPress TV xəbər verir ki, bu barədə “FutbolArena”dan Ali Naci Küçük məlumat yayıb.
“Spartak” kolumbiyalı futbolçunun transferi üçün Türkiyə klubuna bir dəfəyə 6,5 milyon avro ödəniş edəcək. Bundan başqa, “Qalatasaray” futbolçunun gələcəkdə satılacağı halında transfer məbləğinin 10 faizini də əldə edəcək.
Qeyd edək ki, Karlos Kuesta 2025-ci ilin fevralından “Qalatasaray”ın heyətində çıxış edir. O, bütün turnirlərdə 9 matçda iştirak edib, lakin məhsuldar göstəricisi olmayıb. Onun klubla müqaviləsi 2028-ci ilin yayına qədər nəzərdə tutulub. Transfermarkt portal müdafiəçinin bazar dəyərini 7 milyon avro qiymətləndirir.
Namiq HUN
